पुणे दि २८ :- उसने दिलेले पैसे परत न दिल्याच्या कारणावरून दि,२५ रोजी रात्री १०.३० च्या सुमारास लहान भावाला मारहाण केल्याच्या रागातून कोंढव्यात एकाचा साथीदारांच्या मदतीने खून केल्याचे तपासात निष्पन्न झाले आहे. गुन्हे शाखेच्या युनिट तीनने दोन आरोपींना अटक केली आहे.
शाहरूख नुरहसन खान याचा २५ जून रोजी रात्री साडेदहा वाजण्याच्या सुमारास खून झाला होता. शाहरूख आणि त्याचे मित्र शिवनेरीनगर कोंढवाखुर्द येथील गव्हाणे क्रीडांगणाच्या पलीकडे पारसी मैदानात गप्पा मारत बसले होते. त्या वेळी आरोपी सोन्या उर्फ महेश मिसाळ आणि त्याच्या साथीदाराने त्या ठिकाणी येऊन कोयत्याने आणि सिमेंटची विट व गट्टूने शाहरूखला ठार मारले. या प्रकरणी कोंढवा पोलिस ठाण्यात गुन्हा दाखल झाला होता. दाखल गुन्हा संवेदनशील असल्याने गुन्ह्याचा समांतर तपास गुन्हे शाखेच्या युनिट तीनकडून करण्यात येत होता. पोलिसांना मिळालेल्या बातमीवरून सापळा रचून आरोपींना अटक केली. प्रथम महेश मिसाळ याला ताब्यात घेऊन त्याच्याकडे तपास केला असता, मिसाळने यापूर्वी मृत शाहरूख यास दिलेले पैसे परत दिले नव्हते. तसेच, शाहरूखने मिसाळच्या लहान भावास मारहाण केली होती. त्या कारणावरून चिडून मिसाळने साथीदारांसह खुन केल्याचे निष्पन्न झाले आहे.उपनिरीक्षक किरण अडागळे, संजय गायकवाड, राजकुमार केंद्रे, सहायक उपनिरीक्षक किशोर शिंदे, संतोष क्षीरसागर, मेहबूब मोकाशी, दत्तात्रय गरूड, राहुल घाडगे, गजानन गाणबोटे, संदीप राठोड, अतुल साठे, कल्पेश बनसोडे, सुजित पवार यांनी ही कारवाई केली.
खर्चासाठी दिलेले पैसे परत न दिल्याने झालेल्या खुनाच्या गुन्ह्यातील २ आरोपी, युनिट- ३ गुन्हेशाखा पुणे शहर यांनी केले जेरबंद
Please login to join discussion