कामशेत दि ०२ :- पुणे कामशेत शहराजवळच्या बौर गावचे हद्दीत शिव मंदिरा जवळ कामशेत पवनानगर रोडवर कमी पैशात सोने घेण्यास आलेल्या गणेश विजय जाधव यांच्या जवळील २ लाख ३० हजाराची रोकड हिसकावुन घेऊन तीन अज्ञात आरोपी पसार झाले.कामशेत पोलिसांनी दिलेल्या माहितीनुसार, गणेश विजय जाधव ( वय २९ रा कर्जत जि रायगड ) यांना त्याचे मित्र सचिन नायकर याने २० हजार प्रति तोळा या दराने सोने मिळत असल्याची माहिती दिली होती.त्या माहिती नुसार गणेश जाधव व त्याचे मित्र सचिन नायकर, नवाझ तांबोळी, सुरज जाधव यांच्यासह खाजगी चारचाकी वाहनाने शुक्रवार ( दि. १) रोजी कामशेत शहराजवळच्या बौर गावचे हद्दीत लगत शिव मंदिरा जवळ कामशेत पवनानगर रोडवर सायंकाळी ५ वाजण्याच्या सुमारास आले.या ठिकाणी तीन अज्ञात आरोपी आधीच त्यांची वाट पाहत उभे होते. या आरोपींनी पैश्याची मागणी करताच गणेश यांनी सोन्याची मागणी केली यावेळी आरोपींनी धमकावून गणेश व सुरज यांच्या हातातील बॅग हिसकावुन बाजुच्या डोंगरात पोबारा केला. याप्रकरणी पुढील तपास कामशेत पोलीस ठाण्याचे पोलीस उपनिरीक्षक मृगदीप गायकवाड करत आहे.
सतिश सदाशिव गाडे वडगाव मावळ पुणे प्रतिनिधी