पुणे दि ३० :- दूरदर्शन सह्याद्री वाहिनीवरील “टिलीमिली” या महामालिकेचे इयत्ता १ ली ते ४ थी चे १९२ भाग १ सप्टेंबर २०२० पासून, येत्या मंगळवारपासून प्रसारित होणार आहेत. इयत्ता ५ वी ते ८ वी च्या अर्ध्या वर्षाच्या अभ्यासक्रमावर आधारित भाग दिनांक ३१ ऑगस्ट रोजी संपत आहेत. या शैक्षणिक महामालिकेस राज्यभरातून विद्यार्थी, पालक, शिक्षक यांचा उत्तम प्रतिसाद मिळत आहे.पुण्यात गेल्या महिन्यात लागू
करण्यात आलेल्या टाळेबंदीमुळे चित्रीकरण दिनांक १३ जुलै ते २३ जुलै २०२० या काळात बंद ठेवावे लागल्याने मालिकेच्या वेळापत्रकात बदल करावा लागला होता. मंगळवार, १ सप्टेंबर २०२० पासून १ ली ते ४ थी चे पहिल्या अर्ध्या वर्षाच्या अभ्यासक्रमावरील १९२ भाग आम्ही प्रसारित करीत आहोत. त्यांच्या प्रसारणाचे इयत्तावार (रविवार वगळून) दैनंदिन वेळापत्रक खालीलप्रमाणे असेल:वर दर्शविलेल्या प्रत्येकी एक तासात पाच मिनिटांच्या मध्यांतरासह त्या त्या इयत्तेचे प्रत्येकी २५ मिनिटांचे दोन पाठ होतील.